Eu su sempri eu
sulu ogni tantu
su puru nautru
chi mi vai truvandu
ca voli sapiri
quali di dui
eu vogghiu siri.
Eu su sempri eu
e non sacciu diri
quandu su chistu
quandu su l’autru;
ma sulu na cosa
eu vogghiu diri
ca pe scegliri
chistu non potia siri
e mancu chiddh’autru.
Melopoli 9 maggio 2011 ore 11,30
Commenti
Na rama i l'Appenninu
È u munti Santu Lia
È nu munti Divinu
E chinu di magia.
Ddha nc'è tanta storia
E nc'è tradizioni
È postu di gloria
E grandi seduzioni.
Stu munti certamenti
Havi assai valuri
Si vidi ch'è prisenti
A manu du Signuri.
A flora è na ricchezza
E' chiddha di muntagni
Arbari d'ogni artezza
E puru assai castagni.
L'aria frisca e pura
Chi nc'è a Santu Lia
E' la megghiu cura
Pe la nevrastenìa.
La vista ddha si perdi
Fra celu, terra e mari
Ognunu ddha si sperdi
Di tutti i cosi amari.
E' grandi maravigghia
Nta chiddha barcunata
Pe oltri centu migghia
Si varda cu n'occhiata.
A destra vu viditi
Nu trenta paiseddhi
Vaìti, se non criditi
Vardàti chi su beddhi.
Pari ca su pittàti
Cu manu cumpetenti
Ddha vi cunortàti
L'anima e la menti.
All'occhi, ddha davanti
Si vidi già Messina
Cu Parmi suttastanti
Megghiu di Taormina.
Si vidi lu Vurcanu
Cu Lipari e Salina
Tocchi cu na manu
Panarea cu la marina.
Ddha sutta all'orizzonti
C'u celu ppoggia a mari
Nci sunnu li tramonti
Chi fann' annamurari.
I sira è nu miraculu
Li luci nta lu mari
Sunnu nu spettaculu
Chi fann'ammaliari.
I stati è na palestra
Tutti i giuvanottuni
Cu fùi, cu s'addestra
Cu joca a lu palluni.
Und'è, se vu vardàti
Nu Paravisu u stessu
Penzu ca no trovati
Nta tuttu l'Universu.
Li turisti attenti
Passand' i Santu Lia
Arrestanu cuntenti
E dinnu ch'è magia.
Però sarìa correttu
Se jornu di Pascuni
Dassàmu bellu nettu
Cu mancu nu muzzùni.
RSS feed dei commenti di questo post.